OTXARKOAGAK LEHEN ALDIZ ANTOLATZEN DITU UMEENTZAKO MUSIKA-UDALEKUAK UZTAILEAN

Kaldera Musika Elkarteak  Kultura eta Hezkuntza Sailarekin elkarlanean ekainaren 30etik uztailaren 11 bitartean udalekuak antolatzen ditu

Iniziatiba hau, 4 eta 7 urte bitarteko umeei zuzenduta dago eta goizeko ordutegian izango da (09:30etatik 13:30tara), euskaraz zein gaztelanieraz

Kopurua mugatua da eta izena emateko epea maiatzaren 12an amaituko da
 
Kaldera Musika Elkarteak, Bilboko Udaleko Kultura eta Hezkuntza Sailarekin elkarlanean, autengo udan Otxarkoagako udaltegian lehenengo aldiz antolatu dituen umeentzako musika udalekuetan izena ematera deitzen du, 2 astetan zehar 4 eta 7 urte bitarteko umeek, metodo praktiko, dibertigarri eta partehartzaile baten bidez musikarekin batera elkarbizitzen ikasiko dute. Izena emateko epea maiatzaren 12an bukatuko da eta kopurua mugatua denez, azken unerarte ez itxarotea komeni da
 
Musika egitarau oso eta metodo praktiko eta dibertigarri baten bidez, ikastun gazteek musika ezagutzea, sentitzea, berarekin elkarbizitzea eta  musika interpretatzen jakiten ikastea da udaleku hauen heburua. Proposamenen artean besteak beste, umeek behar bezala arnasten ikastea, erritmo eskema ezberdinak garatzea, kantu baten koreografia dantzatzea, gure inguruko soinuen identifikazioa edo abesti baten hitzak eta doinua memorizatzea izango dira.
 
Udalekuak ekainaren 30etik uztailaren 11ra gauzatuko dira Otxarkoagako udaltegian (Pau Casals Etorbidea, 19);  astelehenetik ostiralera  goizeko 9:30etaik 13:30etara, euskaraz zein gaztelanieraz. Zozketa bidez esleituko dira plazak, 3.Barrutiko umeek lehentasuna izanez. Zozketa Otxarkoagako udaltegian egingo da maiatzaren 15ean arratsaldeko 18.00etan.
 
50 eurotakoa da matrikularen prezioa, deskontuak izango dituztelarik familia ugariko kideek (25 euro) eta oinarrizko soldata jasotzen dutenek (10 euro). Inetersaturik daudenak informazio gehiago lor dezakete Otxarkoagako udaltegian (944125042 eta 944120387 telf. zenbakietan) edo  ccotxarkoaga@ayto.bilbao.net  posta helbidean.