OTXARKOAGAK IKUSENTZUNEZKO HEDABIDEEN IKASTAROETAN IZENA EMATEKO EPEA ZABALDU DU

Otxarkoagako Tular Auzo Elkarteak Udaleko Kultura eta Hezkuntza Sailak babesturik, `IKUSENTZUNEZKO HEDABIDEAK EZAGUTZEN´ ikastaroa jarri du martxan. Ikastaroak irratiko lanaren, bideo grabaketaren eta  bideo edizioaren oinarrizko ezagutza eskeintzea bilatzen du. Interesdunak nahi duen monografikoan parte har lezake (edo hiruretan nahi izan ezkero) eta izena emateko epea otsailaren 26rarte dago zabalik.

Hiru ikastaroek zortzi ordutako iraupena dute eta lau saioetan banaturik emango dira Otxarkoagako Udaltegian, 20:00etatik 22:00ak bitartean. Egitarau osoa, hiru monografikoena,  25 eurotako prezioan eskainiko da (20 Tular elkartekideentzako) eta 10 eurotan (6 elkartekideentzat) ikastaro bakoitzarengatik.

Lehenengo ikastaroa irratiari buruzkoa izango da eta bi ordutako lau saioetan eskainiko da. Lehena, martxoaren 3an izango da (asteartea) eta azkena 12an (osteguna). Ikastaroa Tular Irratiko esatarien eskutik izango da, eta sei zatitan emango dituzte klaseak: teknologia aldeko gaiei buruzkotik euren irratiko historiari buruzkoa eta programazio ezberdinei buruzkoa, esatarien teknika ezberdinak eta Interneten irratiaren jaiotza eta garapenaren ingurukoa.

Apirila, bideo edizioari eskeinia egongo da, hilaren 20 eta 29 bitartean emango diren lau klaserekin. Eta azken ikastaroa, bideo kamarari eskeinia, aldiz, maiatzaren 11 eta 20 bitartean izango da.

Ikastaroetan parte hartzen duten guztiek jasoko dute ziurtagiria eta unibertsitateko ikasleentzako aukera libreko kredituak emango dira. Udazkenean, jarraipena emango zaie ikastaroei antolatuko diren beste hiru ikastarorekin, hala nola, irrati esatari ikastaroa, DJen teknikak edo eta ordenagailu bidezko edizioari buruzkoak.

Izena emateko epea otsailaren 25erarte egongo da zabalik Otxarkoagako Udaltegian bertan (goiz zein arratsaldeko ordutegian) edo eta Bilboko udal webgunean (www.bilbao.net <http://www.bilbao.net> <http://www.bilbao.net>  ). Bi egun geroago, ostirala 27an, ikastaroetarako plazen zozketak egingo dira (eskaera kopuruak eskaintzen diren plaza kopurua gaindituko balu). Xehetasun guztiekin ikastaroen informazioa Otxarkoagako Udaltegian jaso ahal izango da (Pau Casals, 19.ean) edo  bere telefonoetan: 94 4150 42 eta 94 412 0387

`IKUSENTZUINEZKO HEDABIDEAK  EZAGUTZEN´  IKASTAROA
–      Irratirako sarbidea. Martxoak 3, 5, 10 eta 12. 20:00etatik 22:00etara, Otxarkoagako Udaltegian.
–      Bideo Edizioa. Apirilaren 20, 22, 27 eta 29, 20:00etatik 22:00etara, Otxarkoagako Udaltegian.
–      Bideo kamara: Maiatzaren 11, 13, 18 eta 20an, 20:00etatik 22:00etara, Otxarkoagako Udaltegian.