BILBAO KIROLAK ERAKUNDEAK 1.946 PLAZA ESKAINTZEN DITU ‘ASTE SANTUAN PRIMERAN, KIROLA EGINEZ’ EKIMENERAKO

Bilbao Kirolak erakundeak, bigarren urtez jarraian, “Aste Santuan primeran, kirola eginez” ekimena jarri du martxan. 1.946 plaza eskainiko dira, iaz baino hiru aldiz gehiago; 2010ean, 270 plaza eskainiko dira egunean, eta 2009an 90 plaza izan ziren eskainitakoak. Udal sozietateak ordutegia luzatu du, eta plaza eta kiroldegi kopuruak handitu ditu, Bilbao Kirolak erakundeak eskola-oporretan martxan jartzen dituen eguneko kolonia hauen eskaria betetzeko.

'Aste Santuan primeran, kirola eginez' ekimenak kirola eta entretenimendua elkartzen ditu, ariketa fisikoa sustatzen du, eta, aldi berean, oporretan familia eta lana uztartzen laguntzen du. Ekimena 6 eta 13 urte bitarteko neska-mutilei dago zuzenduta, eta Deustu, San Inazio, Txurdinaga eta Zorrotzako Udal Kiroldegietan egingo da.

Programa martxoaren 29, 30 eta 31n eta apirilaren 6, 7, 8 eta 9an egingo da, goizeko 09:00etatik 14:00etara, Deustu, San Inazio, Txurdinaga eta Zorrotzako kiroldegietan, euskaraz eta gaztelaniaz.

Neska-mutilen sarrerako eta irteerako ordutegia luzatu egin da, familia eta lana hobeto uztartu ahal izateko. Sarrera goizeko 08:30etik aurrera egin ahal izango da, eta irteera, berriz, 14:30era artekoa izango da.