IREKI DA ANTZERKI, DANTZA, MUSIKA EDO PERFORMANCE INTERPRETEEI ZUZENDUTAKO ARGIZTAPEN IKASTARORAKO MATRIKULAZIO EPEA

Arte Eszenikoen Teknikarien Elkarte Profesionalak (ATAE), antzerki, dantza, musika edo performance interpreteei zuzendutako argiztapen ikastarorako matrikulazio epea zabaldu du. Ikastaroa, Bilboko Udaleko Kultura eta Hezkuntza Sailaren esku dagoen Bilbaoeszenarekin – Baliabide Eszenikoen Zentroarekin elkarlanean antolatu da. Prestakuntza espezializatu hori astelehenetik ostiralera eskainiko da, azaroaren 22tik 26ra, Otxarkoagako udaltegian.

Ikastaroa goizeko 10:00etatik 14:00etara eta arratsaldeko 16:00etatik 20:00etara emango da, eta bere helburua, interpreteari, bere aurrean duen eszena bakoitzean argia era egokian erabiltzen erakustea da. Tailerra Rafael Echeverz irakasleak emango du, eta, antzerki, dantza edo musika proposamenetan argiak duen garrantzia ulertu nahi duten zuzeneko ikuskizunaren alorretako batean esperientziadun Arte Eszenikoen profesionalei eta Arte Ederretako ikasleei dago zuzenduta.

Izena emateko epea azaroaren 15ean edo plazak amaitzen direnean bukatuko da, eta matrikulak 300 euro balioko ditu (250 euro ATAEko bazkideentzat eta Bilbaoeszenako erabiltzaileentzat).

Informazio gehiago:

* ATAE
T: 94 401 42 48
Mail: info@atae.org

* BILBAOESZENA
Juan de Gardeazabal kalea, 3 – lonja. 48004 Bilbao
T: 94 433 49 95
Mail: bilbaoeszena@ayto.bilbao.net