LARUNBAT HONETAN, OTSAILAREN 26AN, HASIKO DIRA BERRIRO OTXARKOAGAKO UDALTEGIKO DANTZALDIAK

Datorren LARUNBATEAN, OTSAILAREN 26AN, Otxarkoagako Barrutiko Udaltegian hilabete bakoitzeko azken larunbatean burutu ohi den dantzaldiari ekingo zaio berriro. Bilboko Udaleko Kultura eta Hezkuntza Sailaren ekimenak Otxarkoaga-Txurdinagako Jubilatuen eta Pentsiodunen Elkartearen laguntza du. Elkarteak beste zenbait dantza saio antolatzen ditu bere kontura.

Guztira 7 izango dira Kultura eta Hezkuntza Sailak antolatuta hilabete bakoitzeko azken larunbatean –azaro amaierara arte– burutuko diren dantzaldiak. Ekainean dantzaldia elkartearen kultur astearekin bat etorriz burutuko da, eta udako hilabeteetan ez da dantzaldirik egongo. Dantzaldiak Dantza Alai orkestrak alaituko ditu, arratsaldeko 18:00etatik aurrera, Otxarkoagako Barrutiko Udaltegiko gimnasioan (Pau Casals kalea, 19).

2010eko edizioan 2.800 pertsonak hartu zuten parte. Otxarkoagako auzoko biztanleen batez besteko adina gero eta altuagoa da, biztanleria nahiko edadetua da. Hori dela eta, Kultura eta Hezkuntza Sailarentzat oso garrantzitsua da hirugarren adina dinamizatzeko jarduerak sustatzea eta pertsona horiek elkartzeko eta elkarren arteak harremanak izateko gunea bultzatzea.

Kultura eta Hezkuntza Sailak antolatutako dantzaldien egutegia:

– Larunbata, otsailak 26
– Larunbata, martxoak 26
– Larunbata, apirilak 30
– Larunbata, maiatzak 28
– Larunbata, ekainak 18 edo 25
– Larunbata, urriak 29
– Larunbata, azaroak 26